工作狂菊梓喬想搵「賢內助」男友

2020年01月23日 22:43
東網電視
更多新聞短片
菊梓喬再奪「歌后」,未知明年會否再接氣勢呢?
菊梓喬(Hana)再奪「歌后」多謝上天安排,提到常與吳若希傳不和,她笑言多謝大家認為她有價值才講,但就覺得這很小事。新一年她將繼續專注工作,不心急拍拖,除非找到肯做「賢內助」的另一半!
冧莊「歌后」的菊梓喬(Hana)回顧2019年成績大感滿意,除了出碟、開處女演唱會外,更攞了大獎「最受歡迎女歌星」,她坦言:「攞女歌手獎係surprise,亦係好大嘅推動力。(攞獎係肯定定係壓力?)我成日覺得好多嘢天安排係有原因,佢出現嘅時候有佢嘅意思,做呢行好多事發生係我哋控制唔到同估計唔到,但嚟到就要好好捉住。(今年再攞獎覺得係天意?)我會多謝天安排,所有嘢都係,好似我做歌手咁,好多嘢都係順住去做,最緊要做好自己本分,其他嘢就會嚟。」
同吳若希唔啱傾
講到經常與同門的吳若希因爭一姐而傳不和,Hana笑言:「本身我哋冇乜嘢,我係幾唔八卦嘅人,我啲朋友成日覺得我好似唔係生活喺地球嘅人,我鍾意同諗嘅嘢比較奇怪。(所以同對方冇咁啱傾?)我又衰嘅,我少撩人傾偈,好多時候我都係因為工作先見到佢,而工作時我又淨係顧住工作。」問到新一年可會想遠離是非?她笑言:「呢行邊得架?我都諗通咗,如果你冇價值人哋連講都唔想講,我都開心大家畀呢個名分我囉,其實呢啲真係好小事,最緊要依家可以唱歌。」
大把時間唔急結婚
每年她都會為自己定下目標,去年中曾失聲的她希望新一年可以身體健康、寫多些歌、多些工作、開騷及出碟,問到愛情方面呢?可會想拍拖?身為工作狂的她笑言:「我太focus做嘢,就算真係巧合地識咗啲男仔都好難發展落去,邊有人會接受到事業心咁重嘅女朋友?除非我搵到一個調番轉囉,我係男人角色,佢就做賢內助,咁我就可以開始一段感情,但真係要睇緣分。」她又笑言幸好拜年時親朋戚友從不會催她拍拖或催婚:「由細到大都冇,唔知點解,未入行前都冇人問我,都好,令我冇要結婚嘅壓力,仲有時間。」而新年她就會與家人食盆菜,放假亦會約朋友開party。
場地:Aga Florist by FaSunflower
服裝:Snidel