阮嘉敏去完高鐵站開工 黎振燁郭子豪即彈開

2020年01月30日 13:55
東網電視
更多新聞短片
阮嘉敏力證自己做足安全措施。
藝人郭子豪、黎振燁與阮嘉敏齊為無綫新劇《食腦喪B》開工,拍攝化身侍應的阮嘉敏,向兩男遞咖啡戲份,由於武漢肺炎肆虐,現場除了演員以外,工作人員一律戴上口罩。
郭子豪指劇中大玩四角關係,但為保持神秘不肯透露半點,反而已有家室的黎振燁就自爆與朱智賢的感情線相當精彩,問到可有問准太太?他即大男人上身說:「冇申請喎!之前喺第二套劇仲刺激,太太都接受到,所以應該冇問題。(呢排拍親熱戲做足準備?)做好自己份內事啦,消毒晒成個人(戴口罩拍?)睇導演畀唔畀囉!或者剪個窿。」
談到近日全城為撲口罩通宵排隊,他表示:「太太都叫我幫手撲,我有上網搵,又同外國朋友講,好在太太做幼稚園教師,一早買定咗啲,暫時都仲夠用。」
在旁的阮嘉敏則表示除了口罩,市面上消毒洗手液,即使一支細裝都賣到近60港元,亦被搶購一空,故打蛇隨棍上向黎振燁說:「你老婆有冇洗手液多,可唔可以借支嚟?但我冇咁快還到喎!」黎振燁聞言亦笑指會盡力幫忙。阮嘉敏更指尋日到了高鐵站採訪由內地返港的市民,兩男聞言隨即彈開,並齊聲說:「點解你頭先開工唔講呢?!」阮嘉敏尷尬表示:「我有戴晒口罩,狂噴消毒液,連個頭都噴埋嘅,所以我OK!」
至於與緋聞女友鄧卓殷孖住出席朋友聚會的郭子豪,被問到是否戀情浮面?他否認說:「唔係,一大班朋友聚會,啲朋友大家都識嘅啫!」