清水灣搜到九龍城！甄珍驚嘆超市被掃空

武漢肺炎肆虐，全港市民除咗瘋狂搶口罩外，亦瘋狂搶消毒產品同糧食，身在香港的台灣女星甄珍透露雖然過幾日就返台灣，但為免工人冇糧食，初五時特別叫工人去超市入定貨，買米麵糧食，點知工人由清水灣買到九龍城，走訪咗四間超級市場都空手而回，食物已被狂掃一空，工人仲特別影咗糧食架上面空冇一物的情況，佢都被嚇親，即刻叫佢到高檔嘅超級市場先買到乾糧。<br/><br/>糧食都咁難買到，口罩就更加難救，甄珍透露好彩之前已買咗6盒，已解燃眉之急，暫時不需要擔心。