工藤佑采反醫護罷工　原來唔知前線唔夠口罩用

2018年落選港姐工藤佑采，在網上向來敢言，佢今日喺社交網表明立場反對醫護罷工：「罷工可以令你人生更精彩！支持你哋罷一世，支持黑醫護罷工一世！」更自稱已簽名網上聯署促「黑醫護」辭職。

有網民即斥佢駁出位，又指「炒完睇香港玩完」，工藤佑采即刻同網民隔空開火，發出一連串反擊：「咁就應該請外國醫生啦、佢哋一直喺度反對請外國醫生」、「原來你哋都知道唔足夠、仲要支持佢哋罷工、支持埋佢哋，令到啲癌症病人延遲做手術、啲初生嬰兒唔夠人照顧」等。最後更自言唔清楚原來醫護人員唔夠保護措施：「你唔講我真係唔知喎、原來佢哋依家冇口罩咩、定係冇防護衣？」