多得疫情減少外景！何廣沛終於有覺好瞓

無綫藝員何廣沛在將軍澳電視城為新劇《食腦喪B》開工。新冠肺炎疫情嚴重，何廣沛指公司有安排增加演員休息時間對抗疫情，他說：「呢排開工嘅安排都唔錯，平時拍劇就真係唔夠休息，但係因為疫情需要抵抗力，公司今次安排嘅休息時間，平均每日都有六至八個鐘頭瞓覺，外景亦減少咗，依家通常朝早五、六點瞓，下午一點起身返工，以前收工返屋企沖個涼就再開工。依家有足夠嘅體力應付拍攝，拍攝表演都可以保持，唔會因為唔夠休息個腦塞晒。」<br/><br/>講到明天情人節怎樣度過，何廣沛笑說：「都係工作中度過，聽日會同張彥博、郭子豪拍酒吧戲，男人的浪漫。」<br/><br/>好耐冇見朱晨麗<br/><br/>講到怎樣與緋聞女友朱晨麗慶祝情人節？他說：「都好耐冇見，因為佢屋企有啲事，有短訊問候佢，佢都有覆，情緒都ok，唔想打擾佢，畀啲空間佢。（補送情人節禮物？）冇啦，都冇乜出街。（送口罩做情人節禮物？）嘩，好珍貴喎，自己存貨都唔多，好彩我哋套劇有『買手』江嘉敏幫我哋上網買口罩、搓手液。」