冧爆攬實何廣沛!江嘉敏力發千鈞屙爆廁所

2020年02月15日 22:32
東網電視
更多新聞短片
江嘉敏同何廣沛為劇集開工。
藝人江嘉敏與何廣沛為無綫劇集《食腦喪B》開工,日前身體不適不停肚屙的江嘉敏,穿上貼身褲顯然清減不少,未埋位時更手拿一部空氣清新機,她說:「我廠景外景都戴住,因為埋位唔戴得口罩,大家圍住研究劇本都清新啲。(病到瘦晒?)個個都咁講,有日屙咗7、8次,搞到屋企個廁所板裂埋,可能用力過頭,男友叫我快啲整番佢。」
談到劇中二人甜蜜踩單車,不過現實生活中卻同聲表示未試過,何廣沛說:「其實都幾危險,所以都係拍劇發生得嘞!有啲情況險象環生,好驚下一秒跌落地。」
男友呷何廣沛醋
江嘉敏則笑指曾於男友面前,大讚何廣沛公主抱她的戲份很Man,結果惹來男友呷醋:「佢話自己都試過公主抱我,又唔見我講,見佢有少少唔開心。(氹番佢?)又冇喎!刺激吓佢,等佢做多啲Gym大隻啲,畀我欣賞吓!」