做新人壓力大 吳林峰出走日本寫成歌

2020年02月26日 17:32
東網電視
更多新聞短片
吳林峰到電台宣傳新歌。
獨立歌手吳林峰到電台宣傳今年首隻派台歌《街燈》,新歌宣揚人要向前行的訊息,他覺得有時人唔知點行落去會驚,但他覺得點都要行完,才能感受過程。他說:「唔理件事幾咁唔開心都好,人生路幾難行,一定有出路嘅,但好多人會鑽牛角尖。」
新歌亦是他自身經歴,去年他出走日本,自我逃避,他說:「去嗰時想逃避吓,上年做新人,好驚自己做錯,每一日都好緊張,不如試吓出走,畀自己放鬆,想諗清楚自己嘅路,因為第一次入樂壇,好驚大家點睇我,諗得太多,呢首歌要提自己Move on。」
去年社會活動社會氣氛欠佳,今年新冠肺炎疫情影響下,有些計劃都延遲,但他仍然希望今年能夠開騷、做分享會及出實體碟。他說製作每首歌的過程都好珍貴,與工作團隊捱更抵夜製作而成,笑言形容像看着個仔出世、結婚,跟住離家出走,帶了個老婆返嚟的感覺。他說:「有工作照做,呢樣唔得轉第二樣,不會鑽牛角尖,依家都做緊三首歌,希望6、7月出到張EP。(出實體碟好大膽?)呢個係做音樂以來的願望,畀自己考驗,啲人話賺唔到錢,但呢樣嘢捉喺手,係好珍貴,希望自己係做多好過做少。」
提到早前人人撲口罩,他自認好彩,去年去日本旅行時,當時疫情未爆發時,他偏偏選了買口罩做手信,當時覺得戇居,現在剛好合用。