何兆基2周前移民加拿大　野佬「解散」

樂隊野佬出席電台訪問，不過今次竟然5缺1，4子更揚言「野佬宣布解散」，之後他們即解畫，指成員何兆基（Chris）已經在2周前移民加拿大。是否一走了之？4子謂：「佢喺3、4年前已經話移民，咁依家科技發達，網上做歌send番嚟都得，到時網上夾Band都得，佢話會成日返嚟，所以我哋話同佢Farewell都好決絕話唔使。」4子對兄弟離去更抵死說:「我哋會永遠懷念何兆基。」

講到工作，4子稱暫緩年底騷，因租場及台、燈、聲等都要先付錢，他們是自資樂隊，所以若取消就好大負擔，若然開騷成功，Chris都會歸隊演唱。至於新歌《附近的人》MV已經沒有Chris參與演出，但4子笑言就算之前的MV都少給Chris出現，試過《相聚一刻》MV時他有份拍MV，竟拍到有點飛圖年代MV感覺，4子笑道:「我哋係有型Band嚟，梗唔用啦！係嘥咗個女主角演出囉。」