衛詩雅做士多啤梨萌妹 日本人爭住合照

香港時間
2020年03月09日(一) 19:54
東網電視
更多新聞短片
真係Kawaii呢~
1/5
藝人衛詩雅(Michelle)於電影《熟女愛漫遊》飾演一名KOL,由於影片在日本取景,所以Michelle在開拍前都花時間惡補日文,Michelle表示:「幸好我個角色雖然熱衷日本文化,但日文都係半桶水,仲有幾場學日文嘅戲份,所以導演都無要求我要講到流利日文,不過拍攝時有好多場口都係同日本演員手戲,所以都希望惡補一下,點知都係唔太聽得明,好彩戲入面我成日有部翻譯機跟身,所以我成日都用佢嚟同日本Crew溝通,物盡其用!」
談到對哪場戲最有深刻印象?Michelle指是一場以士多啤梨蛋糕造型示人的一幕,當她一穿上這套萌爆士多啤梨蛋糕造型服裝於街度等埋位時,瞬間吸引路人目光,紛紛舉機拍照!Michelle表示:「其實日本好興呢啲公仔頭造型,不過應該好少人會着埋成套蛋糕衫上身,所以大家都覺得好得意,但就無諗過自己突然變成景點,仲有日本Crew過嚟搵我合照,平時同Fans合照就多,咁嘅奇遇真係第一次,我仲同導演講如果每影一張相有錢收,分分鐘賺到碗拉麵!」
衛詩雅新片去日本取景,仲成個日本妹咁。
無啦啦變景點,下次真係要收錢!
套萌爆士多啤梨蛋糕造型真係Cute到爆。
連日本Crew都過嚟搵佢合照添。
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。