南洋味極濃　吳尊汶萊豪宅似足五星度假村

40歲藝人吳尊同太太林麗吟近排參與拍攝內地節目《婚前21天》，因為公開結婚證書引發連串風波，不過觀眾係善忘嘅，就好似節目仲未正式播，最新先導片中就見到吳尊公開住宅豪華內外觀，引嚟唔少網友驚呼話同偶像劇入面啲場景一模一樣，紛紛好似睇樓團咁Mark實豪宅設計嚟睇！

到底幾大間屋先會有咁嘅效果！？爸爸係汶萊地產大亨嘅吳尊，伯父更係汶萊十大富豪之一，咁吳尊屋企都當然有番咁上下架勢，節目中見到吳尊住單層獨立大屋，帶有一個比間屋佔地更大嘅庭院，仲有一個露天游泳池，從空中俯瞰即顯得更為寬敞！

而建築同屋內裝潢風格，均以乾淨嘅木質同白色為主，布置以植物作為裝飾，南洋風情極濃！網友更加特地截圖出甫，熱議吳尊間豪宅「堪比五星度假村」，亦有人忍唔住羨慕到嗌吳尊做「真．汶萊王子」添，認真誇張。