東網電視
更多新聞短片
真係好大鑊！
1/4
歌手陳柏宇亮相黃澤鋒主持的開電視親子節目《我的志願速成班》，柏宇透露囡囡Abigail已18個月大，仍未看得到女兒的志願，並踩女兒無表演慾，又會扭計及發脾氣，公公想抱她，會撥開公公的手。他說：「佢依家乜都喊，發現佢會扮喊冇眼淚，早兩日佢打爛隻碟，太太話要罰佢，我話冇得罰，佢唔明玻璃碟和膠碟分別，大人都好大責任，點解唔畀膠碟佢，要畀玻璃碟佢，（咁細用玻璃碟危險？）對佢唔係危險，你唔想打爛隻碟，就唔好畀佢囉！我有畀佢接觸玻璃碟，睇住佢放，因為要畀佢知！」
問是否應該罰太太？他逆：「罰乜鬼，太太都係話罰個女先，我話下次唔應該罰。」兩夫妻為隻碟鬧意見，他直言與太太意見不合一定有，因為大家成長背景不同，意識都不同，覺得唔緊要，最緊要互相尊重。
早前他搬往千呎豪宅，雖然開支大，但寧願住得舒服，住4間房是否想追多個？他說：「有打算，其實生咗個女後，就知之前嗰度地方唔夠大，佢連房都冇，不過唔可能再搬大啲，雜物只會愈多。」並透露原計劃六月返加拿大，會考慮疫情，睇定啲，如果女兒返唔到唔會返。
柏宇有苦自己知～
接受黃澤鋒訪問！
兩公婆湊女方法好唔同。
