洪永城鹹豬嘴?朱晨麗:我唔會生安白造

2020年03月24日 15:06
東網電視
更多新聞短片
朱晨麗爆洪永城加咀戲。
無綫新劇《法證先鋒IV》在將軍澳電視城宣傳,席間公布第26集(23日)直播收視高達36點,逾235萬觀眾收看。朱晨麗早前宣傳劇集《多功能老婆》時,爆洪永城拍攝時加咀戲,鬧出「鹹豬嘴」疑雲,洪永城雖然多番澄清沒有「抽水」,但亦有指兩人因而反面,有傳《多》開續集,兩個只能活一個。
朱晨麗被問到可有機會再與洪永城合作?她說:「又提番起,我OK冇芥蒂,但係拍戲、做活動呢啲都係公司安排。(洪永城暗示唔想同你合作?)哦,都係嗰句將來有乜合作都係公司安排,我冇乜嘢嘅。(陳煒話你哋欠缺少少溝通?)有溝通,我之前都講過我有打畀佢安慰佢,亦唔止一次,正常朋友咁溝通。(拍攝嗰陣有冇溝通?)我所講嘅嘢唔會生安白造。之後都有唔止一次安慰佢,有同佢道歉講唔好意思,件事都隔咗咁耐,唔好再將件事放大。(洪永城話對你No comment,你有咩睇法?)冇乜點睇。(驚唔驚嚇親其他男演員?)唔會,我都同好多男演員合作過。」
朱晨麗指事件發生後與洪永城也未有碰過面,但覺得再碰面也不會尷尬,她又否認事件是擺洪永城上枱,她說:「唔好再講喇。」