劇透《法證IV》!黃浩然同張頴康李施嬅有事發生

2020年03月24日 16:12
東網電視
更多新聞短片
真係好緊張呀!
藝人黃浩然曾練「大聖劈掛」,下午偕同師傅冼灝英現身師公陳秀中追思會。原本他要出席主演劇集《法證先鋒IV》宣傳的他,覺得要尊師重道,所以因為撞時間,他寧可選擇出席追思會。談到與師公相處的點滴,浩然說:「佢為人風趣幽默,好記得佢70幾歲仍然可以蜈蚣彈,又好似隻馬騮咁不斷轉,真係好好身手。」
談到《法》劇進入結局周,浩然表示劇情愈見戲味:「收到消息昨晚我認番失散20幾年嘅細妹張曦雯,收視再有突破,嚟緊我同張頴康,又或者李施嬅嗰條線都有故事發生,有收看性。(施嬅喺加拿大返嚟,都唔可以出席宣傳活動。)佢自我隔離嘛,唔緊要啦,可以有慶功啫。(係咪會開續集?)我未收到通知,不過知道有好多觀眾講緊,今次劇情比較嚴肅,我想原班演員拍啲有喜感嘅嘢,畀觀眾見到我哋另一面,尤其係喺呢依家呢個時候。」
談到政府意欲管制食肆晚上營業,與及已禁止食肆賣酒,浩然坦言:「我冇開設食肆,所以唔方便談論,不過相信食肆生意嘅朋友嚟講,可能真係壞消息,希望疫情能夠盡快過去啦。坦白講依家除咗做嘢之外,我都係留喺屋企,尤其我屋企有小朋友特別要小心。」