東網電視
更多新聞短片
魏韵芝疫境冇工開。
1/11
歌手鄧紫棋（G.E.M.）的「未來姑仔」兼無綫藝人魏韵芝（Joyce），參與節目《東張西望》、《港生活．港享受》、《3日2夜》及《流行都市》等，但因工作受疫情影響，惟有創業搞小籠包生意，「秘撈」增加收入！
撈埋清潔
親力親為的她，跟師傅學整小籠包，見她搓皮時雞手鴨腳，不時問意見，放餡料更要「出貓」求救，花了10分鐘才成功包好一粒。據知食店仍是試業階段，整包技術有待改善的她轉戰做樓面，並化身清潔工抺枱及抺玻璃，又趁空檔外出掃貨，一口氣捧走4支大型消毒藥水，雖然笨手笨腳，但她堅拒假手於人。
搵G.E.M.試食
她接受東網電話訪問，承認近日工作減少，有時間便到舖頭幫手，而小籠包生意其實是與媽咪及哥哥、即G.E.M.的造型師男友Mark合資：「媽咪做開飲食，佢啲朋友都好鍾意食我哋屋企秘製嘅上海嘢，咁啱之前睇啱鋪，我同阿哥都有支持，夾咗少少！呢排生意難做，但舖頭附近有住宅同Office，希望做多啲外賣生意。（哥哥忙，主力你幫手？）冇話主力邊個，我呢排得閒，所以多啲落舖頭。」提到G.E.M.廚藝了得，會否請她試味畀意見？她說：「都會請佢，知佢煮嘢食叻，會交流吓，亦會請埋其他朋友，但要等舖頭Run順啲先。」
魏韵芝拍過《3日2夜》。
魏韵芝學整小籠包。
樣樣都親力親為。
G.E.M.同男友
身材不得了！
仲去樓面幫手！
魏韵芝同媽咪食嘢先！
魏韵芝「秘撈」搵銀！
抺埋玻璃。
搵G.E.M.幫手試食。
