東網電視
更多新聞短片
估唔估到係邊個呢？
1/9
為咗防疫內地演藝工作全部停咗一段時間，近期陸續回復正軌，女星楊冪停工差唔兩個月，呢日復工拍攝綜藝節目《密室大逃脫2》，喺酒店預備上車去拍攝場地時，一出門就見到一位有人氣又靚仔嘅小鮮肉，佢即時興奮到用手揞住個嘴，跟住張開隻手向呢位小鮮肉飛奔過去，佢哋喺大庭廣眾嚟個深情抱抱，即時引嚟現場粉絲起哄，佢哋無視現場嘅聲音，沉醉喺自己嘅世界入面，你推我讓要對方上車先，最終都係小鮮肉爭贏咗請楊冪先上車。
究竟係邊位小鮮肉咁有本事，令到一向穩重嘅楊冪咁失態呢？佢就係現年27歲嘅鄧倫，咪睇佢年紀輕輕，入行呢段時間已經同唔少一線女明星合作過，好似有趙麗穎、迪麗熱巴、楊紫等，齋計上年就有4套劇加8個綜藝節目，真係去到邊都會見到佢身影，就知鄧倫人氣有幾高，近日公布嘅「娛樂圈男明星潛力指數榜」佢仲排第五添！佢同楊冪都有參與上一季《密室》，一齊解謎過關就係因為咁培養咗深厚嘅友情出嚟，有網民好奇問，唔知楊冪嘅緋聞男友魏大勛見到佢哋抱抱會唔會嬲豬呢？
楊冪見到呢位小鮮肉勁開心！
嚟個抱抱~
楊冪都好有少女心。
飛奔過去~
佢哋喺度禮讓邊個上車先~
鄧倫喺「娛樂圈男明星潛力指數榜」排第五。
張開雙手~
最終都係鄧倫贏咗叫楊冪上車先。
