鄧萃雯人生第一次畀咗楊紹鴻

藝人鄧萃雯為資深製作人楊紹鴻主持的電台節目《一起走過》任嘉賓，大談兩人相識30多年的逸事，雯女笑指當年經常跟隨對方出埠登台，就連人生第一次觀賞Table Dance也有楊紹鴻在場。

談到這位亦師亦友的評價，雯女大讚對方非常有心，但為人卻非常悶：「試過有幾年生日都係拍緊佢嘅作品，雖然次次都準備一個好有特式嘅蛋糕同約我食飯，但正當我享受緊浪漫，想飲酒同聽下現場音樂，佢就嗌走，所以我對佢又愛又恨，一直發展唔到囉！」更指印象最深刻是楊紹鴻曾帶挈她賺下人生最大的一桶金，但亦因此令她成為負資產，她說：「嗰年連拍幾套劇，將啲錢去買咗一個大單位，點知金融風暴令我蝕得好慘，之後我對投資變得好保守。」

而楊紹鴻則透露因身體問題，將移居泰國休息，故特別製作一個紀念節目，請來張衞健、鄭伊健、羅蘭、譚炳文、黃淑儀等十多位曾合作過的演員，現身節目與他話當年。