周揚青都係小三?羅志祥被揭無縫接軌

2020年04月29日 11:15
東網電視
更多新聞短片
又關佢事?
台灣舞王羅志祥(小豬)嘅桃色風波沒完沒了,被前度周揚青爆偷食「蝴蝶姐姐」愷樂後,今日就有報道指其實周揚青都係小三,愷樂要道歉嘅係呢位女星…
佢就係曾經同小豬合作嘅李毓芬!有傳兩人喺2008年合拍廣告而擦出愛火,多次被影到着情侶裝,仲出國同遊韓國、上海等地,雖然多次傳分手,但一直情未斷。
去到2010年,愷樂代班主持《娛樂百分百》而開始同小豬傳緋聞,2012年尾,仲被發現同遊泰國,李毓芬就開始懷疑男方出軌,不過都被氹番掂!直至2013年,小豬為愷樂慶祝30歲生日,李毓芬透過朋友終於知道「豬蝶戀」係真,如夢初醒決定斬纜。不過其實唔只愷樂,李毓芬都發現周揚青同小豬關係曖昧。
而喺2011年,其實小豬已同周揚青就傳出緋聞,男方喺2015年公開認愛,周揚青亦成為佢唯一承認嘅女友!