家人分散英美兩地　黎明詩：當地唔夠口罩用

歌手黎明詩接受倪詩蓓主持的電台節目訪問，黎明詩透露會暢談出道經過、英國生活及如何面對疫情，但不談感情事：「感情？冇諗住講，都穩定，冇需要講，冇乜必要唔需要講。」

她認為現在最重要是抗疫，而家人都分散英、美兩地：「妹妹同媽咪嘅外家全部喺英國，都擔心，不過妹妹好好，有工作做，已經個幾月唔使返工，但都有出糧，佢成日整嘢食影相畀我睇，真係好得閒，只係喺屋企開會，唔使返工，唔使扣錢。」

從妹妹口中得悉不少英國人外出仍然都不戴口罩，她說：「我另一個細佬住喺紐約，初時我仲叫細佬訂口罩寄畀我，後尾寄唔到嚟香港，我話擺住喺你度先，最後佢自己用番，反而多謝我，因為佢哋嗰邊口罩好缺，醫護都唔夠用。」