千嬅被老公「罰」執書房 柏豪5個月女識講嘢

2020年05月02日 22:36
東網電視
更多新聞短片
楊千嬅同周柏豪分享家庭樂事。
歌手周柏豪與楊千嬅在今晚東華三院《LOVE actually LIVE actually抗疫慈善音樂會》網上直播中有合唱演出,柏豪坦言最近好少出來,大家台前幕後都少見,因而開心,但明白疫倩關係又有擔心,所以心情很茅盾,不過他覺得重要是籌錢幫人。疫情中柏豪亦有為無綫一個綜藝節目開工,他稱:「過去一個月都同袁偉豪拍緊個綜藝節目,當中都好多危險嘢,上天下海,又玩滑翔傘!」至於留家抗疫期間,他亦有陪寶貝女兒,柏豪稱:「囡囡五個月大,已經識畀手仔同轉身,叫我就叫『銀姑』,叫媽媽就做『奶』,因為有奶飲!」
同樣留家抗疫而為兒子做飯盒的楊千嬅,笑指自己肥胖不少、身很圓,但強調自己有做運動,她說:「我除咗陪囝囝,就係食嘢,其實有壓力,但大家就溝通多咗、了解多咗!(煮飯畀囝囝食?)佢話同學有媽媽做飯盒,所以我都好認真做,唔可以用忙做藉口!(做咗廚神?)都係基本求生技能,(囝囝評價?)食晒應該OK!不過陪囝囝上堂我都會忟憎!(有統計疫情中多夫婦鬧交?)好正常,我水瓶座識走位,咪走入廚房整蛋糕,之後就開心番,但老公安排我半夜執廚房同書房囉,如果疫情過後大家都OK,咁就可以一路行落去,夫婦係咁相處,佢都會陪我睇劇,但嗰套韓劇《夫妻的世界》就唔好睇住,因為個囝囝喺度!」有見千嬅的社交平台再度開通,她說:「科技嘅嘢好易公開,希望自己同Fans交流吓,(仲係冇得留言?)會開番畀人留言!(大陸最近有新例要香港、台灣等演員如拍大陸製作要簽多效忠合約?)冇聽過。」
壓軸出場的是周柏豪與千嬅,柏豪先獨唱《老少平安》,之後千嬅出場,兩人合體唱出《多功能老婆》的《背後女人》,問到疫情期間有何體會?柏豪表示:「依家珍惜每分每秒,會用心幫人,祝大家身體健康。」千嬅則謂為人感性:「所以有啲啟發,回想番遇到人生高低、困難,當下係比較難受、執着,但疫情嚟到,發現最重要係家人健康同齊整,因為呢啲係冇得控制,所以好感恩,多謝家人朋友歌迷嘅陪伴同支持。」她又謂今日來到見到很多很耐冇見的朋友:「例如柏豪、樂手、工作人員,發現原來唱一隻歌係唔易,抗疫路遙遠,希望大家互相陪伴、關懷、依賴。」之後千嬅和柏豪攬攬,千嬅又向柏豪講有機會探其囡囡,最後她唱出《最好的債》。