相隔17年！李日朗Race隔空重演《四葉草》

藝人李日朗（Don）2003年與黃婉佩（Race）因合作劇集《當四葉草碰上劍尖時》而成為好友，事隔17年二人再度「合作」，重演了當年這部作品一場經典戲份。由於Race在新加坡定居，二人隔空演繹，但過足戲癮，Don說：「其實佢定居新加坡後，我同佢十年冇見。不過疫情期間佢打畀我，問我夠唔夠口罩用，仲寄咗好多畀我，依家都未用完，真係好感動。」

Don表示言談期間忽發奇想，提出重演這一幕，結果Race一口答應，促成了這次「隔空」合作，他說：「佢好用心仲好快拍起，雖然分開演，但啲感覺返晒嚟。勾起好多回憶。咁多年佢都冇乜點變。」Don笑言有網民不知道來龍去脈，問點解沒有了獻吻戲份，他說：「因為一個喺香港，一個喺新加坡，咪錫唔到囉。」