孖住拍片一舉兩得　王祖藍打乞嗤秒變細細粒

藝人王祖藍同好友陳嘉佳（細細粒）呢對好拍檔合作無間，劇集、節目經常孖住演出外，私底下亦不時合作拍搞笑片放上社交網。呢日佢哋再次拍片大玩「變身」，片中王祖藍率先登場，邊講電話邊行出嚟，點知佢突然間一個乞嗤，就搖身一變成為細細粒，而細細粒登場後，即不停熱舞，扭腰、撥頭髮樣樣齊，相當搞笑，佢哋孖住拍搞笑片分享除咗可以發放正量之外，仲可以一齊吸吓人氣真係一舉兩得。