許志安復出！黃心穎首發聲：有的人和事本以為很重要

「安心事件」發生超過一年，女主角黃心穎嘅舊愛馬國明被東網爆出新戀情，撻着女神湯洛雯（靚湯），而男主角許志安經過一年沉澱後終於復出，相反黃心穎就似乎復工無期，經常留喺屋企湊「仔」！

今日凌晨佢喺社交網表露心聲，佢用英文話好多人問佢O唔Ok，佢就話：「Thank you and don't worry,life only gets better.（謝謝，不用擔心，生活只會變得更好。）」

又轉發一個愛情專欄作家寫嘅文，係家姐Send畀佢，佢就好認同亦係佢想講嘅嘢，當中提到人生裏必然出現一啲好艱難嘅逆境，但唔好埋怨同逃避，唔好將重要決定交畀占卜同命理，「有的人你以為患難中會見到真情，但其實人家只有能力陪你走高山，卻沒有勇氣和擔當陪你走低谷，最後令你大失所望；有的人和事，你本以為很重要，非要不可，但到了這些重要關頭，原來只是輕如鴻毛」，唔知佢講嘅人係指邊個？