【父親節大喜日】余文樂王祖藍宣布再做老竇

藝人余文樂2017年與「台灣皮帶大王」千金王棠云結婚後，就育有一子囝囝余初見（Cody），Cody上月兩歲生日余文樂即刻晒愛，上載溫馨合照贏晒Like，點知原來仲有好事發生！今日余文樂趁住父親節，一早上載幸福全家福，見王棠云肚仔微隆笑容滿面，余文樂並寫道：「我最好的父親節禮物　往後?生❤️都是你們 ​​」而Cody身上仲着有印上「Best Brother」字樣Tee，令網友不禁留言問太太係咪有咗，估唔到余文樂即時好爽快咁直認：「Yes」原來佢哋即將變一家四口，真係可大喜可賀呀～

之後王棠云都有公布喜訊：「我跟余先生有做好心裏準備了?目前在狀況外的應該只有余小老闆?還不知道要有人跟他搶玩具了，問他喜歡弟弟還是妹妹，他回我我喜歡麥坤車車，我問他那我肚子裏是甚麼～他說⋯⋯馬困恩！！！」

同一時間，王祖藍今日都拉埋太太李亞男及愛女王天韻（Gabrielle）拍片，溫馨宣布再有喜，仲借個女把口講媽咪肚仔入面有BB，真係幸福到爆！

祖藍回覆傳媒表示：「多謝大家祝福。其實今次都係計劃之中，因為之前同Leanne（李亞男）嘅共識，都係等Gabby滿咗一歲先再追多個，依家個timing 都真係好感恩。我哋生埋呢個都收工的了，因為兩個夠晒數，亦唔想老婆太辛苦。我知今日都好多人報喜，祝大家都父親節快樂啦！（仔定女？）我畀咗tips㗎喇，大家估吓啦！」

與李亞男份屬好姊妹嘅苟芸慧，對亞男再有喜，佢話：「早前我們幾個姐妹其實已經知道呢個消息，知道之後當然非常替Leanne開心，亦都尊重佢，等佢自己公布。（幾時到你生？）自己嘅話，目前都係想專注在工作方面，其他方面都唔急住。」