永不解散！Dear Jane承諾「夾到死為止」

樂隊Dear Jane為無綫J2音樂訪談節目《我們的音樂時代》擔任嘉賓，大談樂隊入行多年變化。問到四子玩POP Punk類型歌曲成績不及唱情歌好，Howie說：「其實我哋真係隔住隔住咁出Punk歌同情歌，我哋唱嘅Rock歌仲多過情歌，有時我喺度諗係咪我哋造嘅Punk歌難聽呢？」他又說：「老實講，我哋呢隊樂隊唔係彈嘢最叻，既然大家有心走埋一齊，我哋唔會離棄大家，我哋四個人有個口頭合約，就係夾Dear Jane夾到死為止。」

對於唱情歌得到觀眾受落，主音Tim表示樂隊打造《不許你注定一人》開始有好大回響，他說：「最初嘅時候有好多負面聲音，話歌名咁長好老土，九十年代咩！而派歌嘅時候我去咗三個星期旅行，因為我去咗求婚，一返到香港有個大學騷，嗰次係我哋第一次唱呢首歌，我好深刻，我一開聲唱第一句，竟然全場大合唱，個個都識，我從來冇試過唱住毛管戙，我記到今日，有Fans多謝我哋造嘅情歌、愛情三部曲，好似記錄咗佢哋嘅經歷一樣。」