黃曉明跳抖肩舞　網友笑似飲醉酒

人氣節目《乘風破浪的姐姐》播出以來話題不斷，喺新一集身為「成團見證人」嘅男星黃曉明，更罕有大晒「舞功」，同一班「姐姐」勁歌熱舞，點知就因為舞姿「出眾」而引起熱議！<br/><br/>當中見佢一出場就大跳抖肩舞，之後明顯比隔籬兩位「姐姐」慢半拍，仲一時唔記得「對嘴」，不過就靠Chok爆靚樣搭夠，氣勢十足照樣壓到場。但節目播出後，唔少網民都笑指佢舞姿生硬，似足機械人，更有網友直指：「笑死了，他好像我爸上一次喝醉酒在家裏邊唱歌邊跳舞」，而「黃曉明跳舞好笑」嘅話題仲成為熱話，另類上位！