張彥博跳舞似機械人　自嘲左右腦唔協調

歌手張彥博獲許文軒邀請，擔任其主持音樂訪談節目《我們的音樂時代》的嘉賓，席間張彥博分享他為去年個唱綵排以及苦練跳舞的成果，更講到他同三位好兄弟何廣沛、郭子豪和羅天宇之間的兄弟情：「可能夾Band出身，好想搵番以前夾Band嗰種熱血，雖然已經係第二次開騷，但好多嘢都唔識，不過好彩有班兄弟支持，唱歌對我嚟講係最開心嘅事，我好想好好享受，因為唔知仲有冇機會開騷，所以每次都當最後一次去做，希望可以做到一啲經典嘅歌曲畀大家。」他又笑說開騷最大的突破是跳舞︰「我覺得自己好似機械人咁，左腦、右腦唔協調，四肢好似控制唔到，搞到成日驚拖累佢哋嘅進度，佢哋好快已經掌握到，好彩佢哋好有包容嘅空間。」

而好兄弟何廣沛大讚張彥博是音樂才子︰「拍戲嘅佢傻更更，但佢一拎住支結他，就搵番真正嘅佢，佢玩音樂嘅時候好清晰，完全知道一清二楚，有好多嘢我哋都要請教佢，佢開騷我哋又唱歌又排舞，做咁多嘢都係為兄弟之間嘅友情。」