謝嘉怡拎完冠軍唔返蘇格蘭：媽咪搬嚟香港！

出爐港姐冠軍謝嘉怡早前曾說過生日願望是取得港姐冠軍，如今夢想成真，她笑言非常驚喜：「真係冇諗過會攞獎，所以都唔知要繞場一周，所以行完就想衝落台，好彩有人阻止咗，我本身睇好Jessica（廖慧儀）。」

談到她在台上說爸爸在她未識行時，已想她參加港姐是否屬實？她即擘大眼表示：「真㗎，我十七歲嘅時候，爸爸叫我返香港參加香港小姐，但當時我唔想返，因為蘇格蘭有好多朋友，依家好開心有呢個名銜。（會唔會返蘇格蘭？）唔返喇，媽咪都應該會搬嚟香港，爸爸就唔會。（係咪願望實現？）爸爸自細栽培我，想我成為港姐冠軍，學跳舞、唱歌同演戲，依家攞到好驚喜。」

謝嘉怡還搞笑地表示現在最想食燒賣、魚蛋、叉燒飯以及排骨飯，對於有工作人員話她表現不算緊張，謝嘉怡亦認同：「都係，今次識咗好多新朋友，廣東話亦每日有進步，爸爸都會教少少廣東話。」對於她在台上說話，經常惹來笑聲，她笑言：「人哋開心我就開心，大家開心都係好事。」