【陳木勝追思會】杜琪峯情深讚徒弟:我好欣賞佢

2020年09月04日 20:52
東網電視
更多新聞短片
杜琪峯談及與陳木勝相交39年時,有說不盡的故事和感情。
導演陳木勝(Benny)因病離世,晚上舉行追思彌撒,圈中好友前來悼念,其中,有份引薦陳木勝入影圈的杜琪峯,於追思會完結,準備開始彌撒環節前曾一度步出會場,記者上前做訪問,他指追思會氣氛好好,大家都好懷念他。
問很不捨得陳木勝?一向硬淨的杜琪峯停頓了良久眼濕濕。問為何不說話?他說:「好難講出口,咪講唔出,(欣賞陳木勝?)識咗佢39年,初初佢係(電視劇)副導演,佢係咁多副導演之中,最出色嘅一個,好難得一齊工作,因為我好難用到副導演,因為脾氣差,但Benny唔會理你差定好,只會盡自己責任做好份工作,工作嘅時候,佢成日都會逼我,逼到我都冇符,安排晒我做啲乜,又會威脅我,話如果唔做會好大鑊,佢嘅積極態度,令我明白自己係需要畀人鞭策,我好欣賞佢。」
談及1981至1982年期間二人相處經過:「佢嘅工作態度,對電影嘅熱情,我引薦咗佢做電影副導,幫導演梁普智手,大家都好滿意佢,1989年,佢就做導演拍咗《天若有情》,呢個就係我哋早期嘅合作,建立咗友誼,對我嚟講,佢成世人都冇求過我,只係我畀麻煩佢,試過有一次我Book咗殯儀館拍戲,但咁啱發燒,都係Benny同我完成咗,我一話畀佢聽,佢就明,唔使我擔心,咁多年,都係我要佢幫,多過佢搵我,佢係一個尊思重道嘅人,每一年新年都嚟拜年,呢啲都係一啲小小嘅點滴,詳細嘅仲有好多,佢一出生就有能力,對電影有承諾,好有職業道德,呢行嘅老闆都對佢好好,新一代導演要好好學習,佢未去到六十就走咗,係可惜嘅。」
陳木勝太太對於老公離世十分傷心,杜琪峯指還未見到對方:「情緒一定有波動,呢段時間會難過啲,但日子總要過,傷心一定有,但都要積極面對,仲有仔女,正面啲咁諗,總會相遇。(Benny有冇經濟問題?)呢個我唔了解,應該問題唔大,佢冇為過錢嘈過。(有冇協助喪禮?)我夥計有幫手,有問題會出聲叫幫手。」