何超盈收身成功　緊張囡囡健康消毒冇停手

已故賭王何鴻燊四房千金何超盈自爸爸離世後，甚少更新社交網站，除咗喺屋企湊囡囡「荷苞蛋」辛阡覓外，忙於她的藝術品工作，今日佢難得喺社交網嘅限時動態上載短片。片中見到超盈清減咗唔少，身材已回復纖瘦，佢着上小背心配貼身牛仔褲，露出小蠻腰，充滿自信。由於新冠肺炎肆虐，大家都十分注意衞生，「荷苞蛋」得1歲大，超盈更為緊張，見佢手攞住紫外線嘅消毒用品，清潔囡囡嘅遊玩地方，掃晒每個角落，十分細心。