東網電視
更多新聞短片
出爐港姐冠軍謝嘉怡現時單身，揚言揀男友唔理好醜，最緊要Fun！
1/9
出爐港姐冠軍謝嘉怡現時單身，揚言揀男友不用靚仔，最重要是風趣幽默，更「下戰書」指心目中的「男神」是已有女友的陸浩明（6號）！不過「情敵」陳詩欣不擔心，笑指謝嘉怡加入無綫後自然會找到「真男神」，一山還有一山高！
應屆香港小姐雙料冠軍謝嘉怡、亞軍陳楨怡與季軍郭柏妍，昨日在將軍澳電視城接受專訪。謝嘉怡因父之名由蘇格蘭來港參選，憑着中、英混血標致輪廓贏得「最上鏡小姐」，加上鬼妹仔率直性格兼有幽默感，在決賽夜的答問環節為大家帶來歡樂，最終成功奪冠！觀眾覺得她對答有趣，但原來她並非想搞笑：「只係諗到咩就講出嚟，但見到大家笑，我又跟住笑。其實我諗嘢要英文轉番中文，要幾秒，冇時間去諗搞笑。」
現年25歲的她沒有拍拖，自言搵男友不用靚仔，最重要比她高和有幽默感，也不局限外籍人士，一眾「港男」亦有機會！她笑說：「唔使靚仔，要有幽默感同鍾意我，溝通到就得。」笑問曾被她指「好醜樣」的陸浩明（6號）相當「有條件」做她的男友，謝嘉怡說：「6號OK呀！佢好Funny，佢唔係醜樣，都幾靚仔呀！不過佢已經有一個好靚嘅女朋友，希望有機會合作啦！」
花5年留港發展
過往不少混血美女都因廣東話麻麻而成為發展障礙，她決定給自己5年時間留港發展，首要任務是學好廣東話。不時論盡扭傷、撞瘀的她，揚言最想拍動作戲：「依家聽同講廣東話只係得5、6成，會用兩年時間學好廣東話同寫中文，之後再睇吓適唔適合喺娛樂圈發展。我會睇多啲電視同請老師，初時會難啲，好似依家要人逐句講畀我聽，然後寫拼音，不過我唔怕困難，只要話畀自己聽做到就會做到。」談及今屆后冠因沒有贊助商而「貶值」，謝嘉怡說：「我唔知道后冠價值，但幾多錢都冇所謂，唔會賣出去，都係自己收藏。」
「情敵」陳詩欣未驚過
對於謝嘉怡「下戰書」公開讚6號是「男神」，6號的女友陳詩欣一點也不擔心，還笑說：「Lisa（謝嘉怡）之前喺蘇格蘭少睇電視，一山還有一山高，6號只係一座小山，佢見多啲TVB嘅大山、巨山就搵到其他男神。」6號則指女友早已大讚Lisa好靚、零死角，兩女見過面，Lisa亦有讚陳詩欣靚女，他又提議女友為愛食排骨飯的謝嘉怡下廚：「可以整肉餅、蒸水蛋，唔使下下食排骨飯咁悶嘛！」
更多新聞，請瀏覽東方日報網頁：
謝嘉怡參賽當晚頻放笑彈，原來揀男友都一樣要Funny ！
郭柏妍希望一嘗與男友嗌交的滋味，夠晒少女心。
中英混血的謝嘉怡，愈大愈似媽咪。
陳詩欣與6號感情穩定，唔怕被撬牆腳！
陳楨怡見過黃宗澤與吳卓羲的「制服Look」後，心心眼想合作。
謝嘉怡上載媽咪的靚相，滿足大家的好奇心。
三甲中只有亞軍陳楨怡（左）有拖拍，冠軍謝嘉怡（中）與季軍郭柏妍都期待另一半出現。
三位出爐港姐對娛圈充滿憧憬，劇集與綜藝節目都想試。
