東網電視
更多新聞短片

馬貫東被指專溝富家女。
1/10
現年33歲的馬貫東入行十四年,鮮有緋聞,近年憑《愛.回家》及《那些我愛過的人》為人所認識,感情生活開始受人關注,近來因為一張抹窗相,與圈外富家女友蘇詠童(Christy)戀情曝光,原來女友舊愛係朱敏瀚。
今日有報道指馬貫東家境一般,所以入行後專溝富家女,未與Christy拍拖前,前度Queenie Kwok都是有錢女,家中經營海鮮批發生意,報道更指馬貫東是「軟飯王」,去旅行使費全部由舊愛出錢,平時更開車管接管送,不過戀情因為受女方父親反對,所以去年中分手。
去年5月,馬貫東於社交網透露和Queenie分手,貼出一張在英國旅行的單人照,他留言「與妳我有關的回憶不會抹去,都在心裏,謝謝妳的一切。我們之間沒有涉及其他人,只是現在換了角色,帶上祝福,回到最初。願妳我未來更幸福。」
東網聯絡上馬貫東,對於被指「軟飯王」,他說:「今日所見到嘅報道都是不屬事實,對唔係事實嘅消息都不想回應太多,唔想將事情繼續發酵愈描愈黑。而我一向對感情事都想低調處理,希望可以保護另一半,而對方亦都明白。尊嚴很重要,現在我所擁有嘅嘢都係我用呢十四年時間,默默耕耘努力換來的,唔希望失實嘅報道埋沒咗我14年嘅努力,我現在只想專注事業上,做好自己嘅本分,希望將來我可以畀更好嘅嘢屋企同另一半。」

馬貫東於2018年上載拖手照,留言「天陰或天晴,有一對我們,不離亦不棄。」仲Hashtag埋前女友。

社交網經常上載旅行照。

Queenie 社交網都有去英國旅行嘅相。

馬貫東現任女友公開抹窗相,令戀情曝光。

馬貫東舊愛Queenie。

舊愛Queenie同馬貫東合照,都要Cut走對方。

馬貫東愛玩相機,佢社交網有唔少珍藏。

上年5月,馬貫東社交網中透露和Queenie分手。

馬貫東現任女友Christy。