陳明恩拍大肚寫真留念　全裸留番畀老公！

藝人陳明恩以上海灘造型為影音使團創世電視拍攝節目。陳明恩正佗住7個半月B仔，透露心情開始緊張，計劃到澳洲順產生BB，她說：「話順產對BB健康會好啲，媽媽康復亦都快啲，我想快啲有番條腰，希望能夠順產，但係都控制唔到，最緊要係BB健康。」陳明恩指要看疫情能否入境澳洲，她說：「父母因為疫情留咗喺澳洲，睇吓到時飛唔飛到過去，依家要有好多個plan，Plan A、B、C 咁就安心。」

陳明恩指剛才綵排也感到腳部抽筋，馬上要拉筋舒緩，她笑說：「屋企就有老公呢個御用按摩師幫我按摩。自己都有上網學一啲孕婦運動，希望對生BB有幫助。」問到在疫情下外出工作可擔心危險？她說：「現場大家都有戴口罩，一拍完嘢自己就會戴番口罩同埋眼罩，自己都好小心平時都好少出街，買餸都係老公負責。」問到會否拍攝全裸大肚寫真留念？她笑說：「下個星期會影，全裸就淨係留畀老公睇。」