多Job過黃嘉雯!謝嘉怡埋唔到堆 同屆港姐冇偈傾

2020年09月24日 00:01
東網電視
更多新聞短片
埋唔到堆喎!
現年25歲的謝嘉怡(Lisa)以「過江龍」姿態由英國返港參選港姐,其可愛性格贏盡各方讚賞,當選雙料冠軍,摘后冠不足一個月已頻頻有工作送上門!據悉不少廣告商對她虎視眈眈,早前更已火速接拍一個樓盤廣告,無綫方面亦接連為她安排公司活動,又正為她洽談多個廣告,發展可謂一帆風順。
其實近屆港姐冠軍發展可謂差天共地,如麥明詩及雷莊𠒇已離開幕前,至於上屆冠軍黃嘉雯當選以來工作量不多!因疫情影響,無綫原本打算停辦今年港姐,令黃嘉雯的冠軍名銜得以冧莊,怎料競選最終「復活」,黃嘉雯「連任」泡湯,近月已報讀寵物美容課程增值謀後路!「停工」的她最近還弄狗為樂,頻頻上載為愛犬扮靚的照片。
Lisa連日忙於工作,成為觀眾新寵的她自然受其他人眼紅!她日前與亞軍陳楨怡、季軍郭柏妍及友誼小姐鄺美璇於中環的大廈工作,期間眾女在工作人員陪同下步往附近店舖購買珍珠奶茶,各人手指指揀選飲品,眾女及後圍圈等飲品時更傾到雞啄唔斷,唯獨見Lisa全程插不上嘴,未幾還孤伶伶站於一旁,並低頭族上身撳電話,期間又無聊兩頭望未有「埋堆」,未知是否與不諳廣東話有關。一行人取飲品後即急急腳返回大廈,沿途Lisa追趕身材高挑的陳楨怡主動搭訕,對方亦回頭與她傾了幾句,齊齊步入大廈繼續工作,及至個多小時後才乘車返回電視城。
對於Lisa工作量跑贏自己,黃嘉雯接受東網訪問時說:「我都好開心見到師妹們陸續有唔同嘅工作,每個時期挑戰都唔同,希望佢哋享受體驗。(有冇羨慕佢?)做人最緊要向前看,做好自己,珍惜每一個工作機會。反而之前仲羨慕大家可以入劇組,我依家終於如願以償,嚟緊10月會開劇,但細節要試造型時先知。最近我都有上戲劇班進修,仲買咗好多有關戲劇嘅書做準備。」