自爆與「男友」同居　衛詩雅為愛郎甘願做阿四

藝人衛詩雅去年成功上車，以780萬購入一房單位，一直獨居嘅佢竟然自爆將與「男友」展開同居生活，原來佢口中嘅「男友」係貓貓Archie！

事緣衛詩雅有朋友要到外國公幹，於是拜託佢幫忙暫時照顧Archie，雖然只係短期借宿，但佢都相當認真，買齊貓廁所、貓糧、玩具等各種寵物用品，就連「床伴」都準備埋，而吸塵執屋做阿四，真係服侍周到！當Archie抵達新家時，一開始四周巡視，之後好快就適應到新環境，仲好乖咁瞓低畀衛詩雅摸肚腩，睇嚟佢都好鍾意呢位「女朋友」。