杜德偉囝囝4歲生日 獲「女友」送吻

2020年10月05日 23:03
東網電視
更多新聞短片
好開心咁喎!
歌手杜德偉(Alex)有仔萬事足,佢成日喺社交網上載囝囝AJ嘅生活點滴。日前囝囝四歲生日,杜德偉專程為佢搞咗個生日派對,請咗一班小朋友同佢慶祝,仲安排咗好多節目,Alex將派對嘅片段放上網。
片中見AJ矇眼打「怪獸」,但打極都打唔到,不時除底眼罩偷睇!最後打到「怪獸」,跌咗好多糖果出嚟,小朋友開心咁爭住執,之後又有切蛋糕,更有小女朋友送香吻,到最後廿四孝爸爸Alex出場,同AJ一齊跳舞。Alex留言話囝囝4歲:「我記得你出世的時候我和你說的第一句話就是”welcome to the party!”,,看來我們今天做到了!Happy birthday AJ!!!」
杜德偉接受訪問時表示:「囝囝4歲了,我最大感觸係好彩有生小朋友,如果唔係一定會後悔!(會生多個小朋友陪他嗎?)答應咗AJ要生個細佬或者細妹畀佢,希望可以做得到。」談及在生日會上有「小女友」甜蜜送吻,他就話:「好難得咁細個就有個紅顏知己,我細個時就冇AJ咁福氣,小學一年班讀男校讀到中學畢業,加上自己性格其實都幾怕醜,就算有女同學示愛,都唔識點樣反應。」問囝囝有何生日願望?他指囝囝尚未知「乜嘢叫做願望」,所以吹蠟燭前都沒有許願。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc