王君馨韌帶撕裂 撐拐杖坐輪椅開工

2020年10月08日 19:56
東網電視
更多新聞短片
王君馨之前拍劇受傷。
藝人王君馨與楊明今日為新劇《我家無難事》拍攝外景,戲中懂得西式刺繡的君馨與楊明有感情線,君馨今日以一身文青Look打扮示人,紮了孖辮的她,明顯瘦了不少,她謂:「好多人都話我瘦咗,但係我已經肥咗十磅,因為之前中秋嗰幾日食咗好多。(你瘦到連個頭都細埋喎?)可能楊明個頭大,拍落去我咪細啲。」於外國長大的君馨被問到有否識過冷衫時,她說:「未試過,不過我都識用針絲縫嘢,之前為咗個角色跟師傅學咗三個鐘頭刺繡,人哋要學十堂,每堂三個鐘,我就要極速學,依家都有少少興趣。」
君馨之前因拍攝劇集《超能使者》,最後一個鏡頭時整傷腳,引致韌帶撕裂,今日拍攝時,劇組貼心安排了一個替身給她,君馨去換衫及不用拍攝時,都要用拐杖及坐輪椅,她謂:「都傷咗兩個多星期,依家慢慢開始行得,但行唔到耐,本來上星期已散瘀,因為呢4日要拍完呢個場景,日日企十個鐘又腫番,希望過多兩個星期可以行番啦!」本來她要為自己第二首歌拍MV,現時都要延遲到十一月底才拍攝。