東網電視
更多新聞短片
依家唔可以再咁樣喇！
1/4
剛爆出喜訊的余香凝（Jennifer）與現年40歲的未婚夫陸政渡日前入紙註冊，據知，他們已定於下月14日，在尖沙咀半島酒店舉行婚禮，近日兩人亦正忙於籌備婚事。
而日前與好姊妹吳嘉熙（Cheronna），現身網上平台宣傳新歌，更大談飲醉酒經歷。余香凝率先自爆，曾參加婚禮飲到「斷片」出醜：「當時第一次去海外婚禮，其實同主人家唔係好熟嘅，但係好開心啦，我衝出嚟玩Game鬥飲酒，咩酒都溝晒！最後印象就係第二道菜，咁就去到第二朝早，清醒番之後，我同朋友講『尋晚冇嘔都幾叻』，點知望一望張床，全部都係嘔吐物。之後朋友問我頭有冇痛，原來我尋日堅持飲酒，推低啲勸酒嘅朋友，自己都撞咗埋牆，成個過程完全冇印象。」
吳嘉熙就話自己飲醉酒會嘔「黃膽水」，試過醉住酒陪家人掃墓，她笑指性格「好癲」，曾被舊愛逼到發惡：「我試過企上去爛咗嘅玻璃碟度，寧願鎅爛自己啲手手腳腳，叫佢『可唔可以唔好再嘈啊！』。我覺得自己性格個惡頂個位係太直腸直肚，有時係唔畀面嘅，另一角度睇就係好誠實囉。」
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
Cheronna（右）醉到企上去爛咗嘅玻璃碟度！
余香凝（左）曾參加婚禮飲到斷片…
推低啲勸酒嘅朋友，連佢自己都撞咗埋牆。
