東網電視
更多新聞短片
終於解開咗呢個多年嚟嘅心結。
1/10
藝人仙樂都（吳堯堯）日前與男友梁國鋒入紙排期註冊，將於11月中簽字結婚，因仙樂都身形脹了一圈明顯升Cup，即傳出雙喜臨門的消息。而日前見她獨自現身淺水灣行商場，身穿連身裙加牛仔褸的她腹部微隆，挑選初生BB衫時更雙眼發光，期間又用眼神撩身邊的小朋友玩，種種行為滲出陣陣母愛味！
結婚在即的仙樂都於單親家庭長大，自爆小時候曾誤會被母親遺棄：「到28歲我先知道真相，當年父母好恩愛，泰籍媽咪喺香港生咗我冇耐，就因為過期居留被遞解出境，之後冇辦法再申請嚟香港，爸爸有去搵過媽咪，當時搭完飛機仲要坐兩日車先到媽咪住嘅地方，媽咪屋企種糯米，好偏遠，一個男人帶住個女，又要搵食，都唔可以成日飛過去，知道媽咪為勢所逼，冇遺棄過我。」
她亦透露亡父一直沒有再娶，對媽媽一往情深：「我媽咪係大好人，佢上一段婚姻生咗4個仔女，我同4個同母異父嘅兄姊都OK，媽咪上年離世，哥哥姐姐留咗啲田畀我，所以我可能遲啲都返泰國住。」
呢身裝扮孕味十足！
仙樂都喺單親家庭長大~
之後一直都申請唔到嚟香港一家團聚~
見到BB衫雙眼發光。
曾經以為被媽咪遺棄~
終於明白到媽咪係為勢所逼先至唔可以一齊生活~
仲撩路過嘅小朋友玩。
28歲先知原來媽咪係過期居留被遞解出境~
究竟仙樂都係咪雙喜臨門呢？
