【相愛21年】丈夫不敵癌魔離世　肥媽：在天堂見

藝人肥媽（Maria Cordero）葡籍丈夫Rick因病離世。肥媽在今天（5日）約凌晨3時半透過社交網公布丈夫Rick離世的消息，肥媽上載與丈夫的合照寫道：「My love my man RIP .see you in heaven，親愛的老公安息。」

肥媽與丈夫結婚21年，Rick在2017年確診患上末期肺腺癌，肥媽曾用食療嘗試為Rick紓緩病情，而Rick因抗病要經常出入醫院，肥媽曾透露醫藥費已超過600萬元。

在今年8月，Rick因肺炎與血管閉塞再度留醫。當時肥媽曾在社交網上載老公入院影片，肥媽更搬到病房全天候照顧丈夫。在上月，她與黑妹李麗霞在網上直播音樂會上，因憂慮丈夫病情當唱到《憑著愛》時更一度淚崩。

現年66歲的肥媽於1972年與首任丈夫結婚，2人育有6名子女，她於1989年因受家暴及丈夫婚外情而決定離婚。至1999年，她與丈夫Rick結婚，展開第2段婚姻。2人一直十分恩愛，無奈Rick在3年前確診患末期肺腺癌，抗病3年於今天凌晨病逝。

肥媽接受傳媒訪問指：「Rick尋日下晝呼吸不順送院，到凌晨1時左右離開，離開過程唔辛苦，菩薩保佑。」肥媽還表示老公死因是肺炎，昨日早上才與丈夫一起吃早餐，很難接受老公死訊，家人已經處理後事。為免肥媽傷心過度，家人着肥媽在丈夫出殯當日才到場。

肥媽契仔陸浩明（6號）回應東網，表示指會幫手搞身後事：「今早起身睇到報道好突然，都好難接受，知道呢段時間佢有好多嘢忙，唔敢搞住阿媽，準備打個慰問短訊畀佢，希望佢唔好太傷心，保重身體。（身為契仔要幫手處理佢老公後事？）肥媽同我有正式上契，4，5年嘅事啦…佢老公嘅事我當然關心，但肥媽都好多屋企人，如果有需要當然會幫手啦！（最近見面肥媽可有提到老公情況？）早2日星期2喺電視城有一齊做《疫境廚神》個騷錄影，佢嚟做嘉賓，我就主持，當時冇講咩，肥媽好專業嘅，佢完成拍攝就快快返屋企照顧老公，其實肥媽同老公咁多年都好恩愛，人前人後都表現出嚟，冇收埋，關係好close，對老公份情義，我都深深感受到。」

另外，肥媽好友漢洋說：「好可惜，喺我記憶留低嘅都係佢哋嘅開心片段，例如結婚周年、Party咁，都會見到佢哋攬攬錫錫，肥媽唱歌嘅話，佢老公就打鼓，好恩愛、好夾；肥媽好好，好堅強，都有傳訊息畀我哋，話多謝關心，同埋老公走得安詳，我希望佢老公留畀佢嘅回憶都喺全部美好嘅。」

至於肥媽的好姊妹李麗霞（黑妹）昨日亦有去見肥媽老公最後一面：「佢家人喺晒身邊，佢安祥離世，最辛苦就係阿媽（肥媽）囉，佢兩公婆好恩愛，雖然知道有病都好樂觀面對，肥媽照顧老公無微不至，希望佢保重身體，Rick好好安息啦！我會多啲陪佢（肥媽）㗎喇！」