同羅子溢狂演咀戲 張曦雯男友打爛醋埕

2020年11月12日 16:03
東網電視
更多新聞短片
圈外男友,難免會呷醋嘅。
藝人張曦雯(Kelly)今日現身台慶劇《踩過界II》宣傳活動,講到該劇緊接她主演的《木棘証人》,她稱兩劇雖然都是飾演大律師,但劇種及角色性格都非常不同,問到會否擔心觀眾睇厭?她說:「都唔擔心,好在唔係疊住,而係接住,都係兩套啫,我都好耐冇出劇,而且再下一部劇最快都要下年年尾先播。今次一次過連播兩劇都好,畀大家知道我嘅戲路好闊。希望大家唔好睇厭我,因為之後大家會有一年睇唔到我。希望大家多多支持,公司先會畀多啲劇我拍,我先可以有工開。」
提到她在《木棘証人》中與羅子溢的馬拉松式咀戲,Kelly稱跟男友分開睇:「男友有睇,佢話好Sweet、好熱情。(男友有冇呷醋?)佢可能有啲呷醋,但冇講出嚟。佢話唔講錫嗰度,你係做得好好。我有叫佢唔好睇,我話我唔喺度同你一齊睇,話唔到畀你知幾時閉埋睇唔好睇,但就算唔睇電視,都有人放社交平台,不過佢好明白。(點氹番佢?)錫番佢一啖。(《踩過界II》入面有冇咀戲?)同王浩信有一場係借位,同張振朗都有錫,冇得借位。(男友冇眼睇?)佢要習慣睇多啲,佢睇到眼火爆證明我成功。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc