傳成為「殼王新寵」！馮盈盈富貴逼人晒名牌袋進駐豪宅

前港姐馮盈盈（FYY）被東網影到與賭王四房公子何猷亨上遊艇開P斷正後，一路被指積極埋堆富貴上流圈，FYY最近搬到全海景千呎單位，加上在社交網豪晒逾20萬名牌包包，生活富貴非常！

今日有消息指FYY獲已退休的「殼王」陳國強睇起，取代30歲性感女神張曦雯，成為殼王新寵。日前FYY以爛牛配露腰裝，再以配以桃紅色約20萬的名牌包包，據知該名牌包需VIP訂製，有錢都未必買得到，馮盈盈真係有計！而最近她亦由月租19,000元的深水埗匯璽366呎單位，搬到千呎將軍澳新盤Malibu全海單位，安頓好後，她更坐在窗台望海晒美腿拍照，上載到社交平台公布已搬新居。

根據市場資料，Malibu的千呎單位售價約2,300萬，租金則要逾4萬元，未知FYY是租還是買，但據知她與家人同住。

馮盈盈接受東網訪問時坦言一頭霧水及感無奈，她指報道中錯漏百出，現時自己住在將軍澳，非文中所指的Malibu，盈盈坦言：「報道好多嘢都係錯晒，我搬返去同屋企人住，係想做孝順女，之前媽咪心臟唔舒服，要成日做Body Check，年紀大又會突然血糖低見頭暈，要人照顧，而且我可以講，依家住嗰度係租嘅，唔係買，唔知點解話我忽然富貴，希望啲新聞唔會激親媽咪。」

而盈盈坦言其父亦有因報道而不開心，並指那些名牌手袋是爸爸所贈：「段報道手袋嘅價錢都係唔啱嘅，之前我都喺節目講過，由我18歲開始，爸爸就買呢個牌子手袋畀我做禮物，佢覺得係保值嘅投資，所以Keep住買畀我同媽咪，係爸爸錫我同媽咪，啲袋係我同媽咪Share用嘅。」問到盈盈會否避忌一些，低調點不用名牌手袋時，她強調自己一向努力、專心工作，賺到錢亦可以自己買袋給媽咪同自己，她強調：「我全身嘅嘢都係自己賺錢買，我行得正企得正，唔會避忌，唔會改變自己，做女藝人有時真係好慘。」

說到被指是陳國強「新寵」，盈盈指對方是自己以前的老闆，私下並沒有聯絡，她又謂:「可能一直以嚟公司都有好多工作機會畀我，並唔係因為我同某啲人關係特別好，講真我個人一直好爽快，前年公司同我傾約，我一簽加簽咗10年，疊埋心水喺公司努力做，咁我簽咗10年約唔通公司唔畀嘢我做咩！」

鄭衍峰力撐FYY

東網搵到FYY的緋聞男友鄭衍峰，他力撐盈盈：「其實留意返，《#後生仔》裏面已經講過佢啲袋佢daddy送，將軍澳佢係同屋企人住……返去照顧屋企人都畀人話。講真就算佢對呢啲無聊傳聞麻木，我都覺得佢好慘。大家攞張相出來先啦！無相講咩都得架啦，我都同madonna傳緋聞啦！其實一個公司裏面最唔拜金嘅女仔，最努力工作養家，自己搵錢自己買嘢，反而不停被人咁『做』只能夠得啖笑。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc