東網電視
更多新聞短片
一次生，兩次熟呀！
藝人龔嘉欣與羅天宇出席無綫節目「再見2020」記者會，對於主演的新劇《香港愛情故事》將打頭陣於下周一晚上10時半播出，亦被視為與友台選秀節目打對台的代表，嘉欣對此表示：「我覺得拍完一個作品，咁快出街係開心事，今次呢套係一部貼地愛情小品，冇諗過喺2020年結束之前仲有劇出街。（有冇壓力？）對我嚟講唔覺得係打仗，反而覺得劇集題材新鮮，希望可以吸引到更多觀眾鍾意呢類戲種。」談到劇集僅得12集，嘉欣坦言一早已剪輯好，更指劇中超過一半床戲：「其實出咗街嘅預告已經係最唔激，不過好開心可以同香港先生冠軍拍床戲，覺得自己好有艷福。」
龔嘉欣話自己好有艷福。
羅天宇話拍床戲拍到黐立立。
而天宇則表示該劇曾到曾到時鐘酒店及太空艙取景，令其大開眼界，也趁機逐間房參觀。回憶拍攝親熱戲時環境擠逼，令二人拍到成身汗，他說：「因為全組工作人員喺一間房度，其實好熱好焗，拍埋身戲搞到成個身黐立立，都唔係幾舒服，仲要尷尬。（咁咪水乳交融？）嗰時拍攝初期唔熟，就係嗰場戲就拉近咗大家距離。」
龔嘉欣同羅天宇因為拍床戲所以熟絡咗。
唔知佢哋啲床戲有幾激呢？
