東網電視
更多新聞短片
JW好小心！
歌手王灝兒（JW）現身《歡樂滿東華2020》拜神儀式，她表示今晚會跟菊梓喬及譚嘉儀表演唱歌，又會有現場捐款點唱環節，她說：「我未知到時要唱咩歌，應該都OK，之前都試過。」問到唱歌時會否戴上口罩？她稱屆時3人會分開3個位置唱歌，但會否戴口罩要待工作人員安排，覺得3人有段距離故問題不大。
保持距離！
未知需唔需要除罩唱歌！
提到張敬軒演唱會有4名觀眾確診，今晚人數眾多會否擔心？她坦言：「今日我都戴咗個厚啲嘅口罩同帶定消毒噴霧，入到化妝間會先噴一噴，我自己都擔心，因為今日確診人數都過百。其實台上反而唔驚，工作人員戴晒口罩。反而係驚表演以外，因為好多人出出入入，除咗台上，我其他時間都會戴口罩，加上我姐姐又有BB，所以要小心啲。」
台上表演都唔驚！
