孖陸永私奔!李佳芯頭太大 笠唔落頭盔

2020年12月06日 22:00
東網電視
更多新聞短片
真係好天若有情呀!
「視后」李佳芯與陸永在元朗工業邨為無綫新劇《智能愛(AI)人》拍攝飛車私奔戲,陸永駕着電單車載着穿上婚紗的李佳芯逃亡,浪漫又喜感十足。要威當然要戴頭盔,但拍攝時「大頭妹」李佳芯被頭盔擠得面容扭曲,她笑說:「我個頭好大,加埋個假髮,個頭盔戴唔落,條眉好似戚咗上去。」後來換上一個較大的頭盔才還原靚樣。
兩人受訪時,提到今次場口似足電影《天若有情》經典一幕,李佳芯說:「坐喺電單車私奔係相當浪漫嘅,但係劇情就有啲擔憂嘅狀態,劇中就唔係咁浪漫。」陸永則笑說:「係好有《天若有情》feel㗎,除咗個男主角核突。不過好彩戴咗個頭盔,所以點揸都有型嘅。」李佳芯自嘲說:「個女主角都差啲。」
劇集將煞科,兩人可放聖誕假休息,李佳芯笑說:「都有啲唔捨得陸永,佢做綜藝節目多,以前都少機會合作,佢真係好有喜感,唔使講嘢對住鏡頭已經好好笑,大家合作得好開心。」陸永笑說:「呢啲係叫嘲笑。」