關王浩信事?陳展鵬雙線搶灘受阻歌星夢傳撻Q

20201207
東網電視
更多新聞短片
諗住出劇加推新歌就掂硬,點知……
視帝陳展鵬本來預告今年強勢回歸樂壇,可是其新歌在疫情影響下等了又等,惹來「撻Q」之說!有傳其首炮新作「delay no more」,是跟「視帝宿敵」王浩信有關,皆因無綫為了幫王浩信造勢,無奈「犧牲」了陳展鵬的新劇要押後播,結果令陳展鵬「有歌出不得」,大感可惜!
陳展鵬今年5月秘密簽約新唱片公司,一心再圓21年前的歌手夢,據知新歌早已完成錄音及製作MV,原定打算今年9月底配合陳展鵬孭飛的重頭劇《唐人街》同步推出,屆時有劇集配合,新歌的感染力必事半功倍,不過無綫臨時變陣,抽起《唐人街》改播由高海寧及馬國明主演的《C9特工》,之後再播王浩信的《踩過界II》,至於《唐》劇則推出「無期」,而當時無綫「解釋」指《唐》劇改期是「配合全球同步播出」有關。
有傳無綫早前開始為明年1月舉行的《萬千星輝頒獎典禮》中,小生、花旦力爭「視帝、視后」寶座造勢,其中王浩信主演的《反黑路人甲》播出後,反應超出預期地好,故有指無綫已「私下鎖定」王浩信將相隔3年再奪「視帝」,因此臨時煞停《唐》劇,安排《踩II》出街,令王浩信於8至12月期間有兩劇熱播,力谷人氣,但面對回巢拍《使徒行者3》的林峯,仍有一番爭鬥,不過最無奈是陳展鵬連「參賽」都冇機會,除了冇劇推出外,連配合《唐》劇的新歌亦被迫延期。
無奈延至明年初出歌
雖然新歌「出師不利」,但陳展鵬與唱片公司未有因策略被打亂而士氣低沉,相反覺得有充裕時間「慢工出細貨」,已重金力邀音樂猛人舒文為他再度身訂造新歌,或於明年初「一炮雙響」,讓他2首歌一同推出。
陳展鵬接受電話訪問時,直認新歌要delay:「都會覺得可惜嘅,歌係錄好晒,上次唱劇集歌係2年前唱《天命》嘅片尾曲。」問到《唐》劇被抽起原因?他說:「冇問原因,只知係臨時抽起,不過監製話有啲嘢未處理好,我都希望明年可以同觀眾見面。」至於有傳因造就王浩信再奪視帝而抽劇?陳展鵬表示:「咁傳就唔只王浩信啦,林峯咁耐冇拍劇都嚟拍,我信公司係公平嘅。」
粉絲誤會為湊女減產
現時還有《唐人街》、《逆天奇案》及《超能使者》3劇尚未播出的陳展鵬,笑言曾被粉絲誤會減產,他說:「問我係咪掛住湊女唔拍劇。」又指2016年憑《城寨英雄》奪視帝後,近2年沒有新劇推出,所以對爭視帝沒有期望,笑問他這2年是否「讓賽」?他說:「呢啲唔係我控制,我上年都冇劇,冇爭獎壓力,連頒獎禮都冇去。」