陳豪當年的起心肝入TVB：由乳臭未乾到乜都乾晒

今日無綫舉行長期服務暨傑出員工榮譽大獎頒獎典禮2020，因疫情關係有別以往在酒店舉行，改為在錄影廠進行，約200多人獲獎。

其中陳豪獲頒20年服務獎，猶記第一部正式拍攝的劇集是《妙手仁心II》，他自言時間眨眼過：「我當年仲係黃毛小子，入TVB係一個重新經歷，係一個學校，由喺電影機會唔多，浮浮沉沉，有少少坎坷，到最後的起心肝入TVB。」

問到這20年最大收穫是娶得老婆陳茵媺？他笑謂：「我由乳臭未乾到依家乜都乾晒，生埋仔做埋老竇，人生算係咁，對我唔錯。（有冇信心做到30年？)睇際遇，我啲細路仲細，都仲有排捱。」