富豪男友唔認頭？廖碧兒首談婚訊：有興奮嘢唔講得

女星廖碧兒與富二代男友盧啟賢今年10月突然傳出喜訊，被名人施家殷踢爆兩人將於明年初結婚，並上載與一對準新人的合照，惟盧啟賢日前表示與廖碧兒只屬朋友關係，否認戀情，令2人關係成謎。

今日凌晨廖碧兒忽然開直播，本身佢就開嚟Sell酒水Package，不過佢就首次開腔談及婚訊，廖碧兒對鏡頭揮手說：「Hey，我有開心事先講啦！你都聽到朋友話……我未有老公㗎！我有睇㗎！」似在否認婚事。

不過去到直播尾聲，廖碧兒指自己呢兩年有成6個試要考，並隨即宣布有「exciting news coming up（興奮事就嚟發生）」，但佢又指未講得住，即令人聯想到佢係咪同盧啟賢「夾口供」，要為婚事封口。