東網電視
更多新聞短片
梁朝偉拍個廣告都係唔同啲。
依家呢個年頭都冇乜幾多個藝人會冇社交網，有啲仲日日出幾個Pose同粉絲互動吸人氣，不過實有啲例外嘅人，好似男神梁朝偉咁，佢對上個自拍Pose已經要去到2018年拍緊戲嘅時候，今日佢再次更新社交網，雖然唔係自拍照而係條佢做主角嘅手機遊戲廣告片，好多網民都留言話終於等到男神回歸啦！
點少得出名嘅眼神。
彈古箏~
憤怒樣~
拍枱~
呢條片同大家平時睇開嘅廣告好唔同，唔係企喺度齋噏幾句，梁朝偉喺入面嘅場面有一臉自信胸有成竹彈古箏、憤怒拍枱及奸笑樣玩笑裏藏刀等，做得男神果然係要與眾不同，拍個廣告都要騷演技！呢個Pose出咗幾個鐘已經吸引咗2萬8千人留言，男神果然魅力非凡。
有啲陰險嘅眼神~
笑裏藏刀樣~
唔知梁朝偉幾時先至會再有自拍照呢？
