黎諾懿被欽點做內地除夕騷　竟然冇得晒港普

藝人黎諾懿今年憑直播節目《疫境廚神》而人氣急升，更食住上主持《今晚請客》及《疫境廚神秋冬盛宴》，收視均不俗，加上他靚仔又煮得的形象，大受廣告商歡迎。

無綫有見及此，特別欽點他拍住兩大金牌司儀汪明荃和陳百祥一齊主持，由無綫跟內地一個著名網站合作的除夕騷。講到被欽點，他謙稱：「多謝公司，喺疫情下有工開已經好開心，我會珍惜每個工作機會。」而他的港普（港式普通話）向來是網民焦點，甚至被戲言超越張家輝及古天樂成為港普之父，對於要做內地網站除夕騷，他鬆一口氣說：「好在今次唔使講普通話，可以講廣東話，所以我個心都定啲。」