【最後倒數同賴弘國破鏡難圓】鍾欣潼:決不再婚!

2020年12月13日 00:01
東網電視
更多新聞短片
阿嬌今年過盡千帆,特別係離婚一事,喺佢個心留下一條刺!
39歲的鍾欣潼(阿嬌)於今年5月被爆與賴弘國已秘密簽下分居協議書,結束1年多的短暫婚姻,這個消息哄動中、港、台娛樂圈,傳言滿天飛。據知雙方簽訂的分居協議書將於明年2月28日屆滿,距離「離婚」日子不足80天,是否仍有挽回的餘地?阿嬌接受東網專訪時,斬釘截鐵說:「沒有!」
她向來愛情至上,閃婚閃離對她而言有一定打擊:「我諗我唔會再結婚,結過一次咪算囉!我覺得自己唔適合結婚,係冇必要!」當日婚變消息傳出後,外界對他們離婚的原因諸多揣測,有傳男方愛夜蒲、不上進,而賴弘國就曾發表千字文,剖白自己如何深愛阿嬌,又指花上巨額辦婚禮,暗批女方。面對種種是非,但畢竟相愛過,她透露分居期間與男方仍有溝通:「大家做朋友會舒服啲,反正依家冇諗拍拖。(有傳你哋分居時,佢將你啲手袋同名錶賣咗?)唔交代離婚嘅嘢,依家平常心,專注工作。(咁分開原因?)都唔講啦,之前講過唔再交代,大家傾好咗唔再提。」
斬斷情根 享受單身
以甜美見稱的她向來追求者眾,但直言現階段沒多想感情事,即使有追求者亦不會闖情關:「提出離婚需要先分居1年,呢段時間我好清晰,唔會搵男友,希望完晒所有嘢先迎接新嘅嘢。」對於當日曾打賞小鮮肉余衍隆惹緋聞,她強調對方同是英皇藝人,絕冇感情轇轕。
提到一直喜歡小朋友,更曾為此雪過3粒卵子,她不諱言生仔就必定要找個心愛的人,並指母親恨抱孫,曾建議她生B,最終卻因離婚作罷:「依家未有另一半嘛,有叫住樓下嘅中學同學生個B畀媽咪湊。(再去雪卵?)佢哋有叫我再去,但要隔日打針好辛苦,本身就易肥,所以生到就生,緣分嚟嘅。」
風水師批行10年大運
沒有愛情的日子便專注工作,惟阿嬌於9月在內地的酒店發生意外,在右眉留下6厘米的傷口,破相變成「蜈蚣眉」。她坦言當時沒想過會傷得如此嚴重,而問到可有想過自己與死亡距離這麼近?她說:「冇諗咁多,仲記得縫完第1次針攰到瞓咗。我唔係正常女演員,幾粗養,依家科技咁勁,所以唔太擔心個樣。我細個都係食自己,同埋傷口又遮到。」
雖然又離婚又受傷,但提到在第1季的《演員請就位》演阮玲玉獲導演陳凱歌大讚,她興奮表示此舉為她打了強心針。在內地工作不斷的她透露,風水師批她有10年大運,而現時才剛開始,即使眉角有傷亦無損運程!